|
صفات نصف المجتع ( حواء )
دقـق كثيـر بنظرتـك بعـض الأزوال *** ولاتنذهـل لاشفـت بعـض المثايـل
بعـض النسـا بالفكـر تشبـه للأطفـال *** تفكيرهـا محـدود قـاصـر وطـايـل
وبعض النسا في فكرها المجد يختال *** مثل الأصيل اللي تقـود الأصايـل
بعض النسا بالطيب يضرب بها امثال *** وبعض النسا تسعى لهدم العوايل
وبعض النسا تسعـى لتكديـس الأمـوال *** ماهمهـا ياكـود جمـع الحصايـل
وبعـض النسـا تتبـع هواهـا بالأفعـال *** ماتـداري المنقـود مـن قـول قايـل
وبعـض النسـا بلسانهـا سـم فعـال *** تظـهـر غــلا والقـلـب للـشـر شـايـل
وبعـض النسـا تتبـع هـل القيـل والقـال *** ماحسبـت للـرب يـوم الهـوايـل
وبعـض النسـا منطوقهـا عـذب الأقـوال *** وبطيبهـا تشبـه ورود الخمايـل
الفـرق فـي طـبـع النـسـا طـولـة الـبـال *** الـلـي تشـيـل بقلبـهـا ماتسـايـل
وبعض النسا كشخة وموضة وسلسال *** متغطرسة ماتدري العمـر زايـل
ملبوسها من صيحة العطر أشكال *** تركض ورا الموضـة بكـل الوسايـل
تبي تفاخر والفخر طيب الأفعـال *** ماكـل مـن يسعـى علـى الطيـب نايـل
وبعض النسا في عقلها عن ألف رجال *** ويثبت على ما أقول عدة دلايـل
بالديـن والأخـلاق وبطيبـة الـفـال *** وبافعالـهـا تجـمـع جمـيـع الخصـايـل
أصابـع ابـن آدم تفـاوت بـالأطـوال *** وكــلا عـطـاه الله لبـعـض المثـايـل
لاشـك بـه فــرق بـيـن انـثـى ورجــال *** الـديـن أنـصـف كــل الفصـايـل
|